سعودی ولی عہد شہزادہ محمد بن سلمان نے حج سیزن کی مصروفیات کی وجہ سے اٹلی میں ہونے والی جی 7 کانفرنس میں جانے سے معذرت کر لی۔
جی 7 گروپ اقتصادی فورم ہے جس میں کینیڈا، فرانس، جرمنی، اٹلی، جاپان، برطانیہ اور امریکا شامل ہیں، گروپ کا اجلاس اٹلی میں کل جمعہ سے شروع ہو گا جس میں سعودی ولی عہد نے بھی شرکت کرنا تھی۔
سعودی حکومت کی جانب سے جاری بیان میں بتایا گیا ہے کہ سعودی ولی عہد 14 جون سے شروع ہونے والے حج سیزن کی وجہ سے سمٹ میں اپنی شرکت کو ممکن نہیں بنا سکیں گے جس کیلئے محمد بن سلمان نے اطالوی وزیر اعظم جارجیا میلونی سے معذرت بھی کر لی ہے۔
سعودی حکومت کے مطابق اس سال حج کیلئے دنیا بھر سے 15 لاکھ سے زائد عازمین حج ادا کریں گے۔
