دبئی کے ایک سُنار نے خالص سونے سے دنیا کا سب سے قیمتی لباس تیار کرکے عالمی ریکارڈ قائم کر دیا ہے ، اس لباس نے دنیا بھر کی توجہ اپنی جانب مبذول کر لی ہے۔
میڈیا رپورٹس کے مطابق 21 قیراط سونے سے تیار کردہ لباس کی تیاری میں 1 ہزار 270 گرام سے زائد (44.8 اونس) سونا استعمال کیا گیا ہے۔
غیر ملکی میڈیا رپورٹس کے مطابق لباس میں ایک تاج اور بالیاں بھی شامل ہیں، اس لباس کی تیاری میں سونے کے علاوہ مختلف قیمتی پتھروں کا استعمال بھی کیا گیا ہے ، لباس کا وزن 10 ہزار گرام سے زائد (355.6 اونس) ہے۔
رپورٹس میں بتایا گیا ہے کہ اس مکمل لباس کی قیمت 1 ملین ڈالر (تقریباً 28 کروڑ پاکستانی روپے) سے زائد ہے ، جو کسی بھی زیور نما لباس کے لیے ایک نیا عالمی ریکارڈ ہے۔
یہ کارنامہ دبئی کو ایک بار پھر دنیا کے مہنگے ترین فیشن اور جیولری مارکیٹ میں نمایاں مقام پر لے آیا ہے۔
