پاکستان میں سیاسی صورتحال کی وجہ سے اسٹاک مارکیٹ میں مثبت رجحان منفی میں تبدیل ہو گیا، کاروبار کے آغاز پر پاکستان اسٹاک ایکسچینج میں مندی کا رجحان دیکھنے میں آیا۔
پاکستان اسٹاک ایکس چینج میں کاروبار کے دوران 100انڈیکس میں 123 پوائنٹس کی کمی ہوئی، کاروبار کے دوران انڈیکس 78ہزار345پوائنٹس پر ٹریڈ کرتے دیکھا گیا۔
واضح رہے کہ گزشتہ روز پاکستان اسٹاک ایکسچینج میں 100 انڈیکس 927 پوائنٹس کم ہوکر 78 ہزار 469 پر بند ہوا، کاروباری دن میں 100 انڈیکس 1446 پوائنٹس کے بینڈ میں رہا، جبکہ انڈیکس کی گزشتہ روز کم ترین سطح 78 ہزار 330 رہی۔
گزشتہ روز حصص بازار میں 32 کروڑ 72 لاکھ شیئرز کے سودے ہوئے جن کی مالیت 15 ارب 28 کروڑ روپے رہی۔
