امریکی صدر ڈونلڈ ٹرمپ نے ایران اور اسرائیل کے درمیان جنگ بندی کی تصدیق کرتے ہوئے دونوں ممالک سے جنگ بندی کی خلاف ورزی نہ کرنے کی اپیل کی ہے۔
ڈونلڈ ٹرمپ نے سوشل میڈیا پر جاری بیان میں کہا کہ جنگ بندی کا آغاز ہو گیا ہے، برائے مہربانی جنگ بندی کی خلاف ورزی نہ کریں۔
واضح رہے کہ چند گھنٹے قبل امریکی صدر نے ایران اور اسرائیل کے درمیان جنگ بندی کا اعلان کرتے ہوئے کہا تھا کہ فریقین جنگ بندی پر متفق ہو گئے ہیں۔
پاکستانی وقت کے مطابق ایران نے صبح 9 بجے سے جنگ بندی پر عملدرآمد شروع کر دیا ہے ، جنگ بندی کے بعد اسرائیل نے بھی اپنی فضائی حدود کھول دی ہیں۔
