نیویارک میں پاک بھارت میچ سمیت 8 میچز کی میزبانی کرنے والے نساؤ کاؤنٹی کرکٹ سٹیڈیم کو گرانے کا فیصلہ کر لیا گیا ہے۔
رواں سال کے آغاز جنوری میں اس سٹیڈیم کی تعمیر شروع ہوئی۔ اپریل میں 34 ہزار تماشائیوں کی گنجائش والے گراؤنڈ میں آسٹریلیا سے ڈراپ ان پچ منگوائی گئی اور مئی تک اس سٹیڈیم کا کام مکمل کیا گیا تھا۔
پاک بھارت میچ میں اس عارضی سٹیڈیم میں ہاؤس فل رہا تھا،بھارت اور امریکا کے درمیان کھیلا گیا میچ نساؤ کاؤنٹی سٹیڈیم میں کھیلا جانے والا آخری میچ تھا۔اسٹیڈیم کواب 6 ہفتوں میں گرادیا جائےگا۔
واضح رہے ٹی ٹوئنٹی ورلڈکپ کے شروع ہونے کے بعد نیویارک کے اس گراؤنڈ کی پچز پر کافی تنقید کی گئی تھی، یہی وجہ ہے کہ یہاں لو اسکورنگ میچز ہوئے۔
