فاسٹ بولر حسن علی کو آئرلینڈ کیخلاف ناقص پرفارمنس کا مظاہرہ کرنے پرٹی ٹوئنٹی ورلڈکپ سکواڈ سے باہر کردیا گیا ہے۔
پاکستان کرکٹ ٹیم کی مینجمنٹ کا کہنا ہے کہ فاسٹ بولر حسن علی اپنی کاؤنٹی کرکٹ کی ذمہ داری دوبارہ شروع کرسکتے ہیں، انہیں حارث رؤف کے بیک اَپ کے طور پر سکواڈ کا حصہ بنایا تھا جو اب مکمل فٹ ہیں۔
آئرلینڈ کیخلاف سیریز کے دوران فاسٹ بولر حسن علی کو موقع دیا گیا تھا تاہم کمزور آئرش بلےبازوں سے 3 اوورز میں 42 رنز کھائے اور کوئی وکٹ بھی حاصل نہ کرسکے تھے۔
واضح رہے کہ قومی ٹیم کے ورلڈکپ سکواڈ کا اعلان انگلینڈ کے خلاف سیریز کے دوران متوقع ہے۔ٹی ٹوئنٹی ورلڈ کپ کا آغازیکم جون سے ہوگا۔
