پاکستان پیپلز پارٹی کے سینیئر رہنما اور سابق ممبر سندھ اسمبلی منظور وسان نے کہا ہے کہ سیاستدانوں کے اچھے دن نظر نہیں آرہے۔
انہوں نے اپنے ایک حالیہ بیان میں پاکستان کی موجودہ صورتحال سے متعلق سیاستدانوں اور سیاست سے متعلق پیشگوئی کی ہے۔ انہوں نے کہا ہے کہ آئندہ ماہ اسمبلی میں اہم فیصلے ہونے اور کچھ تبدیلیوں کا امکان ہے۔
منظور وسان کا کہنا تھا کہ حالات بتا رہے ہیں کہ بانی پاکستان تحریک انصاف (پی ٹی آئی) عمران خان کا کوئی مستقبل نہیں ہے۔ عمران خان جیل سے باہر آ بھی گئے تو مشکلات میں گھرے رہیں گے۔
انہوں نے پیشگوئی کرتے ہوئے مزید کہا کہ مجھے سیاستدانوں کے لیے اچھے دن نظر نہیں آ رہے۔
