وزیراعظم شہباز شریف کا کہنا ہے کہ بیگم خالدہ ضیا ایک ویژنری اور عظیم سیاسی رہنما تھیں،انہوں نے عوامی خدمت کے لیے اپنی زندگی وقف کی،وہ پاکستان کی مخلص دوست تھیں۔
تفصیلات کے مطابق وزیراعظم نے بنگلا دیش ہائی کمیشن کا دورہ کیا،انہوں نے بیگم خالدہ ضیا کے انتقال پر اظہار تعزیت کیااور فاتحہ خوانی کی۔تعزیتی کتاب میں اپنے تاثرات بھی قلمبند کیے۔
وزیراعظم نے بیگم خالدہ ضیا کے اہل خانہ اور بنگلا دیشی عوام سے اظہارِ ہمدردی کیا،انہوں نے حکومت اور عوام پاکستان کی جانب سے بنگلا دیش کے عوام سے تعزیت کی۔
انہوں نے دعا کی کہ اللہ تعالیٰ بیگم خالدہ ضیاکو جنت الفردوس میں اعلیٰ مقام عطا فرمائے، وفاقی وزیر اطلاعات عطا اللہ تارڑ اور طارق فاطمی بھی وزیراعظم کے ہمراہ تھے۔
