بلوچستان میں قانون نافذ کرنے والے اداروں نے کالعدم ٹی ٹی پی کے مراکز قائم کرنے کی کوشش ناکام بناتے ہوئے کئی دہشتگردوں کو گرفتار کر لیا۔
گرفتار ہونے والوں میں کالعدم تحریک طالبان پاکستان کی شوریٰ کا انتہائی خطرناک اور مطلوب کمانڈر شامل ہے۔
ابتدائی تفتیش کے مطابق نیٹ ورک کے تانے بانے اندرونی و بیرونی دہشتگروں سے ملتے ہیں، گرفتار کمانڈر مختلف علاقوں میں دہشتگردی کی کارروائیوں میں ملوث ہے۔
دہشتگردوں سے تفتیش جاری ہے، مختلف دہشتگردوں کے گٹھ جوڑ کے بارے میں اہم راز افشاں ہونے کا امکان ہے۔
