وزیر اعظم شہباز شریف نے کہا ہے کہ قیمتی جانی نقصان پر ایرانی عوام سے دلی ہمدردی کا اظہار کرتا ہوں۔
وزیراعظم نے ایران پر اسرائیلی حملے کی شدید مذمت کرتے ہوئے کہا ہے کہ اسرائیل کا ایران پر حملہ نہایت غیر ذمہ دارانہ اقدام اور انتہائی تشویشناک ہے۔
انہوں نے کہا کہ اسرائیل کا ایران پر حملہ پہلے سے غیر مستحکم خطے کو مزید عدم استحکام سے دوچار کر سکتا ہے، اقوام متحدہ اور عالمی برادری کشیدگی روکنے کیلئے فوری اقدامات کرے۔
وزیراعظم کے علاوہ وزیر خارجہ اسحق ڈار اور پاکستانی دفتر خارجہ نے بھی ایران پر حملے کی مذمت کرتے ہوئے عالمی برادری سے اسرائیلی جارحیت رکوانے کا مطالبہ کیا ہے۔
