لندن میں متحدہ قومی موومنٹ (ایم کیو ایم) کی رابطہ کمیٹی نے کہا ہے کہ بانی الطاف حسین کے گھر پر دو نقاب پوش افراد نے حملہ کیا اور گھر کے اندر داخل ہونے کی کوشش کی۔
رابطہ کمیٹی کے رہنماؤں نے ایکس پر کی گئی پوسٹ میں برطانوی حکام سے مطالبہ کیا ہے کہ لندن میں پارٹی کے بانی الطاف حسین کی رہائش گاہ پر مبینہ حملے کی مکمل تحقیقات کی جائیں اور حملے میں ملوث دو نقاب پوش افراد کی شناخت کی جائے۔
پارٹی کے مطابق شمالی لندن میں واقع الطاف حسین کے گھر پر دو نقاب پوش افراد نے مبینہ طور پر حملہ کیا۔
MQM Rabita Committee leaders have called on the British authorities to conduct a thorough investigation and identify the two masked men who allegedly attacked the north London home of Muttahida Qaumi Movement founder Altaf Hussain. The party said the apparently well-trained intruders jumped over the front gate and caused extensive damage to the front door and windows while attempting to force their way inside. @metpoliceuk
— Murtaza Ali Shah (@MurtazaViews) September 18, 2026
ایم کیو ایم کا کہنا ہے کہ بظاہر تربیت یافتہ حملہ آور گھر کے سامنے موجود گیٹ کو پھلانگ کر اندر داخل ہوئے اور رہائش گاہ میں زبردستی داخل ہونے کی کوشش کی۔
پارٹی کے مطابق حملہ آوروں نے گھر کے مرکزی دروازے اور کھڑکیوں کو شدید نقصان پہنچایا جبکہ وہ اندر داخل ہونے کی کوشش کرتے رہے۔
رابطہ کمیٹی کے رہنماؤں نے برطانوی حکام پر زور دیا ہے کہ واقعے کا ہر پہلو سامنے لانے کے لیے مکمل اور شفاف تحقیقات کی جائیں۔
ایم کیو ایم رہنماؤں نے مطالبہ کیا کہ مبینہ حملے میں ملوث دونوں نقاب پوش افراد کی شناخت کی جائے اور واقعے کی وجوہات اور ذمہ داروں کا تعین کیا جائے۔
