پاکستان کے اولمپک گولڈ میڈلسٹ ایتھلیٹ ارشد ندیم ٹریننگ کیلئے برطانیہ چلے گئے۔
ایتھلیٹ اپنے کوچ سلمان اقبال بٹ کے ساتھ 11 اگست تک لندن میں ٹریننگ کریں گے۔
واضح رہے کہ ارشد ندیم پنڈلی میں کھنچاؤ کی وجہ سے پولینڈ میں اگست میں ہونے والی ڈائمنڈ لیگ سے دستبردار ہوگئے تھے۔
وہ سوئٹزر لینڈ میں شیڈول ڈائمنڈ لیگ میں پاکستان کی نمائندگی کریں گے، اس ایونٹ میں بھارت کے نیرج چوپڑابھی شریک ہوں گے۔
ڈائمنڈ لیگ 24 سے 29 اگست کو طے ہے، پاکستان ایتھلیٹ 13 سے 21 ستمبر تک ہونے والی ٹوکیو ورلڈ ایتھلیٹکس چیمپئن شپ میں بھی شریک ہوں گے۔
