سونے کی عالمی قیمت میں ایک بار پھر بڑا اضافہ

عالمی مارکیٹ میں سونے کی قیمت میں اضافے کا رجحان برقرار ہے۔

عالمی مارکیٹ میں سونے کی قیمت قیمت 2.7 فیصد اضافے کے بعد 5 ہزار 071 اعشاریہ 79 ڈالر فی اونس تک پہنچ گئی ہے۔

گزشتہ روز عالمی سطح پر سونے کے نرخ میں 5 اعشاریہ 9 فیصد اضافہ ہوا تھا اور فی اونس قیمت 137ڈالر اضافے سے 4 ہزار 813 ڈالر ہو گئی تھی۔

اگر پاکستان میں سونے کی ممکنہ قیمت کا اندازہ لگایا جائے تو عالمی قیمت کو مدنظر رکھتے ہوئے قیمت تقریباً 5 لاکھ 30 ہزار روپے کے قریب بنتی ہے۔

یہ قیمت ایک تخمینہ ہے اور اس میں مقامی مارکیٹ کے عوامل، ٹیکسز اور طلب و رسد کے فرق سے رد و بدل ممکن ہے۔ ماہرین کا کہنا ہے کہ پاکستان میں سونے کی قیمتیں مزید بڑھ سکتی ہیں۔