امریکی صدر ڈونلڈ ٹرمپ کی تازہ دھمکی پر ایران کے اعلیٰ عہدیدار نے شدید ردعمل کا اظہار کیا ہے۔
ایران کی سپریم نیشنل سکیورٹی کونسل کے سربراہ اور سینئر ایرانی رہنما علی لاریجانی نے سوشل میڈیا پر اپنے بیان میں کہا کہ ایرانی عوام کے اصل قاتل خود امریکا اور اسرائیل کی قیادت ہے۔
علی لاریجانی نے کہا کہ ایرانی عوام کے اصل قاتلوں کے نام ڈونلڈ ٹرمپ اور نتین یاہو ہیں ، انسانی حقوق کا نعرہ لگانے والے ممالک خود سب سے بڑی انسانی خلاف ورزیوں میں ملوث ہیں۔
انہوں نے مزید کہا کہ امریکا اور اسرائیل برسوں سے ایران پر پابندیاں، دباؤ اور عدم استحکام مسلط کر کے عام شہریوں کو نقصان پہنچا رہے ہیں۔
