بالی ووڈ اداکارہ ایشوریا رائے زخمی حالت میں اپنی بیٹی کے ہمراہ کانز فلم فیسٹیول میں شرکت کے لیے ممبئی سے فرانس روانہ ہوگئیں۔
بھارتی میڈیا کے مطابق ایئرپورٹ پر اداکارہ کو زخمی حالت میں دیکھا گیا، انہوں نے ہاتھ میں (arm sling) پہنا ہوا تھا جو کہ عام طور پر موچ، پٹھوں میں تکلیف یا معمولی فریکچر کی صورت میں استعمال کیا جاتا ہے۔
ائیر پورٹ پر اداکارہ کی بیٹی بھی ان کی مدد کرتی دکھائی دیں جس سے اندازہ لگایا جاسکتا ہے کہ ایشوریا رائے اپنے ہاتھ کے حوالے سے احتیاط کر رہی تھیں۔
بھارتی میڈیا کے مطابق ایشوریا رائے کی تصاویر اور ویڈیوز سامنے آنے کے بعد ان کے مداحوں نے ان کی چوٹ سے متعلق تشویش کا اظہار کیا ہے اور ان کے لیے نیک خواہشات کا اظہار کیا ہے۔
