پاکستان اور بنگلہ دیش کے درمیان فضائی رابطے کی 14 سال بعد بحالی کا مرحلہ آج عبور کر لیا گیا۔
بنگلہ دیش ایئرلائن کی پہلی پرواز ڈھاکا سے کراچی کے لیے روانہ ہوئی، جس کے ذریعے دونوں ممالک کے شہریوں کے لیے سفری سہولت میں اضافہ ہوگا۔
یہ پرواز تجارتی اور سیاحتی شعبے میں روابط کو فروغ دینے کے ساتھ ساتھ دونوں ممالک کے درمیان باہمی تعلقات کو بھی مستحکم کرے گی۔
حکام کے مطابق اس اقدام سے مسافروں کو سہولت کے ساتھ ساتھ وقت اوراخراجات کی بچت بھی ہوگی۔
پاکستان اور بنگلہ دیش کے شہری اب براہ راست فضائی سفرکے ذریعے آسانی سے ایک دوسرے کے شہروں کا دورہ کر سکیں گے، جس سے تجارتی و اقتصادی روابط میں بھی اضافہ ہونے کی توقع ہے۔
یہ پرواز دونوں ممالک کے درمیان دوستانہ تعلقات میں نیا باب کھولنے کا سبب بنے گی۔
