چیف جسٹس پاکستان جسٹس یحییٰ آفریدی کی زیر صدارت 27 ویں ترمیم پر فل کورٹ اجلاس آج نماز جمعہ کے بعد ہو گا۔
ذرائع کے مطابق اس اجلاس میں 27 ویں ترمیم کے عدلیہ پر اثرات کے حوالے سے ججوں سے مشاورت کی جائے گی۔
سپریم کورٹ کے تین ججز جسٹس منصور علی شاہ، جسٹس اطہر من اللہ اور جسٹس صلاح الدین پنہور نے 27 ویں آئینی ترمیم سے متعلق چیف جسٹس کو خطوط لکھے تھے۔
خط میں جسٹس صلاح الدین پنہور کا کہنا تھا کہ ، 27 ویں ترمیم اختیارات کے توازن کو خراب کر سکتی ہے۔ فل کورٹ میٹنگ بلا کر آئینی ترمیم کا شق وار جائزہ لیا جائے، لاء اینڈ جسٹس کمیشن اور عدالتی پالیسی ساز کمیٹی کو بھی مشاورت میں شامل کیا جائے۔
