واشنگٹن: امریکی صدر ڈونلڈ ٹرمپ نے کہا ہے کہ ایران کے ساتھ جاری جنگ امریکی مڈٹرم انتخابات کے فوراً بعد ختم ہوسکتی ہے اور جنگ کے باعث بلند ہونے والی تیل کی قیمتیں بھی انتخابات کے بعد تیزی سے نیچے آئیں گی۔
ٹرمپ نے صحافیوں سے گفتگو کرتے ہوئے کہا کہ ایران زیادہ دیر تک جنگ جاری رکھنے کی پوزیشن میں نہیں اور انہیں توقع ہے کہ نومبر میں ہونے والے مڈٹرم انتخابات کے فوراً بعد جنگ ختم ہوجائے گی۔ ان کا کہنا تھا کہ ’’میرے خیال میں انتخابات کے فوراً بعد جنگ ختم ہوجائے گی کیونکہ وہ مزید برداشت نہیں کرسکتے۔‘‘
امریکی صدر نے کہا کہ جنگ کے باعث تیل کی قیمتوں میں حالیہ اضافہ ہوا ہے تاہم انتخابات کے فوراً بعد تیل کی قیمتیں تیزی سے نیچے جائیں گی۔ ان کا یہ بیان ایسے وقت میں سامنے آیا ہے جب عالمی منڈی میں برینٹ خام تیل کی قیمت 100 ڈالر فی بیرل سے تجاوز کرچکی ہے۔
