دالبندین: بلوچستان کے ضلع دالبندین میں زلزلے کے جھٹکے محسوس کیے گئے، جن کی شدت ریکٹر اسکیل پر 4.0 ریکارڈ کی گئی۔
زلزلہ پیما مرکز کے مطابق زلزلے کی گہرائی 35 کلومیٹر ریکارڈ کی گئی جبکہ اس کا مرکز دالبندین سے تقریباً 100 کلومیٹر جنوب مغرب میں تھا۔
زلزلے کے جھٹکوں کے باعث شہریوں میں خوف و ہراس پھیل گیا تاہم ابتدائی اطلاعات کے مطابق کسی جانی یا مالی نقصان کی اطلاع نہیں ملی۔ پی ڈی ایم اے کے مطابق صورتحال پر نظر رکھی جا رہی ہے اور ضلعی انتظامیہ سے بھی رابطہ کیا جا رہا ہے۔
BREAKING : Volcano Mount Ibu erupted with a 5 km ash plume over Halmahera. Shortly after, a magnitude 7.7 earthquake rocked Flores, activating tsunami alerts. Indonesia, pic.twitter.com/8Edq1DWa06
— World Updates (@Updatesofwworld) August 14, 2026
دریں اثنا، آج بین الاقوامی سطح پر بھی ایک شدید زلزلے نے بڑے پیمانے پر توجہ حاصل کی ہے۔ انڈونیشیا کے مشرقی حصے میں فلورس جزیرے کے قریب 7.7 شدت کا طاقتور زلزلہ آیا، جس کے نتیجے میں عمارتوں کو نقصان پہنچا، متعدد آفٹر شاکس محسوس کیے گئے اور حکام نے عارضی طور پر سونامی کی وارننگ جاری کی۔
رپورٹس کے مطابق زلزلے کے بعد متاثرہ علاقوں میں شہریوں نے محفوظ مقامات کی جانب نقل مکانی کی، جبکہ بعض علاقوں میں عمارتیں منہدم ہونے، لینڈ سلائیڈنگ اور بجلی کی فراہمی متاثر ہونے کی اطلاعات بھی سامنے آئیں۔ بعد ازاں سونامی کی وارننگ واپس لے لی گئی۔
