سیکیورٹی فورسز نے بلوچستان میں مؤثر کارروائیاں کرکے مزید 4دہشت گردہلاک کردئیے۔
سیکیورٹی ذرائع کے مطابق مستونگ کےعلاقے کھڈ کوچہ میں کارروائی فتنہ الہندوستان کے خلاف کی گئی،ہلاک دہشت گردوں سے اسلحہ اور گولہ بارود بھی برآمد ہوا۔
دہشت گردوں کے زیرِ استعمال موٹر سائیکلیں بھی ضبط کرلی گئیں ،کارروائی میں فتنہ الہندوستان کے متعدد دہشت گرد زخمی بھی ہوئے ، دہشتگردوں کی سہولت کاری میں ملوث متعدد مشتبہ افراد کوبھی گرفتار کرلیا گیا۔
وفاقی وزیر داخلہ محسن نقوی نے مستونگ میں دہشت گردوں کےخلاف کامیاب آپریشن پرسیکیورٹی فورسزکوخراج تحسین پیش کیا،انہوں نے 4دہشتگردوں کوہلاک کرنےپرسیکیورٹی فورسزکی پیشہ ورانہ صلاحیتوں کو سراہا۔
وفاقی وزیر داخلہ محسن نقوی کا کہنا تھا کہ سیکیورٹی فورسزنےدہشت گردوں کےمذموم عزائم ناکام بنا دیے، دہشت گردی کےخلاف پورا ملک سیکیورٹی فورسز کے ساتھ کھڑا ہے۔بلوچستان میں دہشت گردوں کے خلاف مؤثر کارروائیاں جاری ہیں،فتنہ الہندوستان اورفتنہ الخوارج کا گٹھ جوڑامن تباہ نہیں کر سکتا۔
