ایران کے اعلیٰ سطحی وفد کی اسلام آباد آمد کے موقع پر ایک انتہائی جذباتی اور دلدوز منظر سامنے آیا ہے۔
ایرانی پارلیمنٹ کے اسپیکر باقر قالیباف نے پاکستان کی پرواز کے دوران اپنی تصویر سوشل میڈیا پر جاری کر دی۔ ایکس پر پوسٹ میں انہوں نے لکھا کہ طیارے میں یہ میرے احباب ہیں۔
باقر قالیباف کی جانب سے شیئر کی گئی تصویر میں امریکا اور اسرائیل کے حملوں میں شہید ایرانی بچوں کی پھولوں کے ساتھ تصاویر نشستوں پر رکھی دیکھی جا سکتی ہیں جن میں بستے اور جوتے بھی نمایاں ہیں۔
اس خصوصی پرواز کو “مناب 168” کا نام دیا گیا ہے، جو 28 فروری کو جنگ کے پہلے دن مناب کے اسکول پر ہونے والے اس ہولناک حملے کی یاد دلاتی ہے جس میں 168 معصوم جانیں ضائع ہوئی تھیں۔
همراهان من در این پرواز#Minab168 pic.twitter.com/xvXmDlSDiF
— محمدباقر قالیباف | MB Ghalibaf (@mb_ghalibaf) April 10, 2026
ایرانی وفد ان تصاویر اور اشیاء کو اپنے ساتھ اسلام آباد لایا ہے تاکہ امریکہ کے ساتھ ہونے والے اہم مذاکرات سے قبل عالمی برادری کو اس انسانی المیے اور جنگ کی سنگینی کا احساس دلایا جا سکے۔
