بھارتی اداکارہ جھانوی کپور نے اپنی زندگی کا ایک تکلیف دہ تجربہ شیئر کرتے ہوئے بتایا کہ کم عمری میں انہوں نے اپنی جعلی تصاویر ایک فحش ویب سائٹ پر دیکھیں۔
جھانوی کپور نے حالیہ پوڈکاسٹ میں گفتگو کے دوران بتایا کہ جب وہ صرف 15 سال کی تھیں، یہ واقعہ اسکول میں آئی ٹی کلاس کے دوران پیش آیا جب وہ اور ان کے باقی تمام کلاس کے ساتھی انٹرنیٹ استعمال کر رہے تھے اور اسی دوران انہیں اپنی جعلی تصاویر ایسی ویب سائٹس پر نظر آئیں، جو حقیقت سے کوئی تعلق نہیں رکھتی تھیں۔
اداکارہ نے بتایا کہ اس صورتحال نے شدید ذہنی اذیت دی اور اس وقت انہیں یہ احساس ہوا کہ شہرت کے ساتھ ایک قیمت بھی چکانی پڑتی ہے، خاص طور پر جب پرائیویسی متاثر ہو۔
View this post on Instagram
جھانوی کپور نے سوشل میڈیا اور ڈیجیٹل پلیٹ فارمز پر مصنوعی ذہانت (AI) کے ذریعے تیار کردہ جعلی مواد کے بڑھتے ہوئے رجحان پر بھی تشویش کا اظہار کیا۔
