واٹس ایپ دنیا کا مقبول ترین میسجنگ پلیٹ فارم ہے جس میں گزشتہ برسوں کے دوران درجنوں نئے فیچرز کا اضافہ کیا گیا۔
درحقیقت میٹا کی زیر ملکیت ایپ میں اتنے نئے فیچرز متعارف کرائے جاتے ہیں کہ ان میں سے متعدد کا صارفین کو علم ہی نہیں ہوپاتا یا وہ اس پر توجہ مرکوز نہیں کرتے۔
واٹس ایپ کی ایسی ہی چند حالیہ ٹِرکس کے بارے میں جانیں جو اس پلیٹ فارم میں آپ کے بہت زیادہ کام آسکتی ہیں۔
مخصوص صارفین کے لیے مختلف نوٹیفکیشن سیٹ کرنا
جی ہاں آپ واتس ایپ میں مخصوص افراد کے لیے مختلف نوٹیفکیشنز سیٹ کرسکتے ہیں۔
واٹس ایپ کی جانب سے کسٹمائز نوٹیفکیشن ٹونز کا آپشن فیورٹ کانٹیکٹس کے لیے دیا ہے، یعنی وہ افراد جن سے آپ زیادہ بات کرتے ہیں یا جن کو فوری جواب دینے کی ضرورت ہوتی ہے۔
آئی فونز میں اس کے لیے اس فرد کی چیٹ اوپن کرکے کانٹیکٹ نیم پر کلک کرکے مزید فیچرز میں جائیں اور وہاں نیچے اسکرول کرکے نوٹیفکیشنز، الرٹ ٹون اور اپنی پسند کے ساؤنڈ کا انتخاب کرلیں۔
