تہران: ایران کے جنوبی صوبے فارس میں زلزلے کے جھٹکے محسوس کیے گئے۔
غیر ملکی خبر رساں ایجنسی کے مطابق فارس میں آنے والے زلزلے کا مرکز گراش شہر کے قریب تھا۔ جس کی گہرائی تقریباً 10 کلومیٹر ریکارڈ کی گئی۔
زلزلہ پیما مرکز کے مطابق زلزلے کی شدت 4.3 ریکارڈ کی گئی۔ جس کا مرکز گراش سے تقریباً 55 کلومیٹر شمال مغرب کے ایک دہی علاقے میں تھا۔
زلزلے کے باعث لوگ خوفزدہ ہو کر کلمہ طیبہ کا ورد کرتے ہوئے گھروں سے باہر نکل آئے۔ علاقے میں کسی جانی نقصان یا سونامی کے خطرے کی اطلاع نہیں ملی۔
یہ زلزلہ ایسے وقت میں آیا ہے جب امریکا اسرائیل اور ایران کے درمیان شدید کشیدگی جاری ہے۔ حالیہ دنوں میں ایرانی اہداف پر فضائی اور میزائل حملوں کے ساتھ ساتھ مشرق وسطیٰ میں امریکی فوجی اڈوں پر جوابی کارروائیوں کا سلسلہ بھی جاری ہے۔
