بالی ووڈ کے اسٹار ہریتک روشن حال ہی میں فلم ساز گولڈی بہل کی سالگرہ کی تقریب میں بیساکھیوں کے سہارے چلتے نظر آئے، جس کے بعد مداحوں میں ان کی صحت کے حوالے سے تشویش پھیل گئی۔
ہریتک نے انسٹاگرام پر تصاویر کے ساتھ ایک طویل نوٹ شیئر کیا، جس میں انہوں نے مزاحیہ انداز میں بتایا کہ آج پورا دن بائیں گھٹنے کی دیکھ بھال کرتے ہوئے گزرا، جو اچانک کل سے خود کو دو دن کی چھٹی پر سمجھ بیٹھا — یہی ہے میری روزمرہ کی حالت۔
View this post on Instagram
اداکار نے لکھا کہ ہم سب اپنے جسم میں رہتے ہیں، لیکن اس کے کام کرنے کے طریقے کو ہم کبھی مکمل طور پر نہیں سمجھ پاتے۔ میرا جسم ایک دلچسپ نوعیت کا ہے، ہر جسمانی حصے کے ساتھ اس کا اپنا آن/آف بٹن ہوتا ہے۔ انہوں نے مزید بتایا کہ بایاں کندھا، دایاں ٹخنہ اور بائیں ٹانگ اسی فیچر کو پیدائشی حق کی طرح استعمال کرتے ہیں — بس بند ہو جاتے ہیں۔
