بالی ووڈ اداکارہ اور ٹی وی شخصیت ارچنا پورن سنگھ کو کمپلیکس ریجنل پین سنڈروم (CRPS) کی تشخیص ہوئی ہے۔
بھارتی میڈیا رپورٹ کے مطابق ان کی یہ حالت کلائی کی چوٹ کے بعد پیدا ہوئی، جس سے انہیں مسلسل شدید درد کا سامنا ہے۔ اداکارہ کے بیٹے آیوشمان سیٹھی نے سماجی رابطے کی ویب سائٹ پر ایک ویڈیو میں اس بات کی تصدیق کی۔
آیوشمان سیٹھی نے بتایا کہ ارچنا پورن سنگھ نے درد کے باوجود اپنی پیشہ ورانہ سرگرمیاں جاری رکھی ہیں اور یوٹیوب سمیت دیگر پروجیکٹس پر بھی کام کر رہی ہیں۔
View this post on Instagram
کمپلیکس ریجنل پین سنڈروم کیا ہے؟
ڈاکٹروں کے مطابق کمپلیکس ریجنل پین سنڈروم ایک نایاب اعصابی درد کی بیماری ہے جو عام طور پر چوٹ، فریکچر یا سرجری کے بعد سامنے آتی ہے۔ اس بیماری میں اعصابی نظام درد کے سگنلز کو غلط طریقے سے کنٹرول کرتا ہے جس کی وجہ سے متاثرہ عضو میں شدید اور طویل مدتی درد پیدا ہو جاتا ہے۔
ماہرین کے مطابق اس مرض کی علامات میں شامل ہیں:
۔ معمول سے زیادہ شدید درد یا جلن
۔ ہلکی چھو یا درجہ حرارت میں معمولی تبدیلی پر شدید تکلیف
۔ متاثرہ حصے میں سوجن، رنگت میں تبدیلی، پسینہ، اکڑاؤ اور کمزوری
