ایران نے کہا ہے کہ ٹرمپ سیاسی عدم استحکام اور تشدد کو بھڑکا رہے ہیں۔
اقوام متحدہ میں ایران کے سفیر امیر سعید ایروانی نے سلامتی کونسل کو خط لکھا ہے جس میں انہوں نے کہا کہ ٹرمپ سیاسی عدم استحکام اور تشدد کو بھڑکا رہے ہیں۔
ایرانی سفیر امیر سعید ایروانی نے کہا کہ ٹرمپ ایران کی قومی سلامتی کو خطرے میں ڈالنے کے ذمہ دار ہیں، امریکا اور اسرائیل کی کارروائیوں سے شہری جاں بحق ہو رہے ہیں۔
امیر سعید ایروانی نے کہا کہ امریکا فوجی مداخلت کا بہانہ تلاش کر رہا ہے، امریکا کی پالیسی کا مقصد نظام تبدیل کرنا ہے۔
انہوں نے کہا کہ پابندیاں، دھمکیاں اور انتشار بہانہ بنانے کیلئے استعمال ہو رہے ہیں، امریکا کا انتشار پھیلانے کا یہ منصوبہ دوبارہ ناکام ہو گا۔
