دنیا کی سب سے بڑی کلاؤڈ کمپنی ایمیزون ویب سروسز (AWS) ایک بڑی تکنیکی خرابی کا شکار ہو گئی ہے۔
خرابی کے نتیجے میں دنیا بھر میں متعدد مقبول ایپس اور ویب سائٹس عارضی طور پر بند ہو گئیں یا شدید متاثر ہوئیں۔
متاثر ہونے والی ایپس میں صرف تفریحی اور سوشل میڈیا پلیٹ فارمز ہی شامل نہیں بلکہ مالیاتی اور سرکاری ویب سائٹس میں بھی تعطل پیدا ہوا۔
پوری دنیا میں صارفین پریشان
AWS کی جانب سے جاری بیان میں کہا گیا ہے کہ ان کی کئی سروسز میں “بڑھتی ہوئی ایرر ریٹس اور سست روی” دیکھی گئی ہے، اور بحالی کے لیے “متعدد متوازی کوششیں” جاری ہیں۔
تاہم، صارفین اور کمپنیاں کئی گھنٹوں تک اس تعطل کا سامنا کرتی رہیں۔ یہ 2024 میں ہونے والی CrowdStrike خرابی کے بعد پہلی بڑی عالمی سطح کی انٹرنیٹ سروس بندش تھی، جس نے ہسپتالوں، بینکوں اور ہوائی اڈوں کے نظام کو مفلوج کر دیا تھا۔
