وزیردفاع خواجہ آصف(khawaja asif) کا کہنا ہے کہ بھارت شکست کی خفت مٹانے کیلئے افغان سرزمین استعمال کررہاہے،افغانستان میں بھارت کی سہولت کاری کی جارہی ہے،بھارت شاید اب افغانستان کے ذریعے بدلہ لینے کی کوشش کررہاہے۔
ایک انٹرویو میں ان کا کہنا تھا کہ افغان طالبان مجبور نہیں،کالعدم ٹی ٹی پی کے ساتھ ملے ہوئےہیں،افغان طالبان سے درخواست کی تھی کالعدم ٹی ٹی پی کو پناہ نہ دیں۔
ہم نے کابل میں کہاتھاکہ اپنی سرزمین سے دہشت گردوں کو کنٹرول کریں،آج بھی افغان حکومت سے مذاکرات کے لیے تیارہیں۔
کیا افغان وزیرخارجہ بھارت سے اجازت لے کر مذاکرات کی پیشکش کررہےہیں؟طالبان کی افغان حکومت پہلے بھی ضمانت دینےکیلئے تیار نہیں تھی اور اب بھی نہیں۔
