علی امین گنڈاپور وزیراعلیٰ ہاؤس پشاور سے اپنے آبائی ضلع ڈیرہ اسماعیل خان روانہ ہو گئے۔
علی امین گنڈاپور نے روانگی سے پہلے پارٹی ورکرز اور وزیراعلیٰ ہاؤس اسٹاف سے الوداعی ملاقات کی۔ جس کے بعد اپنے پرسنل سٹاف کے ہمراہ روانہ ہوئے۔
واضح رہے علی امین گنڈاپور نے دو دن قبل وزارت اعلیٰ کے عہدے سے استعفیٰ دینے کا اعلان کیا تھا جس کے بعد تحریک انصاف کی قیادت نے سہیل آفریدی کو وزیراعلیٰ نامزد کر دیا تھا۔
مستعفی ہوتے وقت علی امین گنڈاپور نے کہا تھا کہ وزیر اعلیٰ کا عہدہ بانی پی ٹی آئی کی امانت تھی اور ان کے حکم کے مطابق عہدہ واپس کر رہا ہوں جبکہ گزشتہ روز ایک بیان میں انہوں نے کہا تھا کہ بانی پی ٹی آئی بھی کہہ دے تو دوبارہ وزیراعلیٰ بننے کی پیشکش قبول نہیں کروں گا۔
