آج کوئٹہ سے پشاور جانے والی جعفرایکسپریس منسوخ کر دی گئی۔
ریلوے ذرائع کے مطابق جعفر ایکسپریس کے مسافروں کو مکمل ٹکٹ ریفنڈ کیا جائے گا، گزشتہ روز سپیزنڈ کے علاقے میں ریلوے ٹریک پر دھماکا ہوا تھا۔
جس کی وجہ سے متاثرہ ریلوے ٹریک کی بحالی کا کام مکمل نہیں ہو سکا ہے، دھماکے سے چھ بوگیاں پٹڑی سے اتر گئی تھیں اور ایک بوگی الٹ گئی تھی۔
ریلوے ذرائع کا کہنا ہے کہ متاثرہ ٹریک سے بوگیاں نہیں ہٹائی جاسکیں،متاثرہ ٹریک سے بوگیاں ہٹانے اور پٹڑی کی بحالی کا کام آج مکمل کرلیا جائے گا۔
لیویز حکام کے مطابق جعفر ایکسپریس حادثے میں 12 مسافر معمولی زخمی ہوئے تھے۔
