جاپان کے محققین نے گائے کو زیبرا جیسی سفید دھاریوں سے پینٹ کرنے کے تجربے پر نوبل انعام جیت لیا ہے، اس تحقیق میں ثابت کیا گیا کہ یہ دھاریاں گائے کو کاٹنے والی مکھیوں سے نمایاں حد تک محفوظ رکھتی ہے۔
اِگ نوبل انعام دنیا بھر میں اُن تحقیقات کو دیا جاتا ہے جو بظاہر عجیب یا مزاحیہ محسوس ہوں، لیکن ان میں سائنسی تحقیق موجود ہوں اور سوچنے پر مجبور کریں، اس سال یہ انعام جاپان کے آئچی ایگریکلچرل ریسرچ سینٹر کے ماہرین کو دیا گیا، جنہوں نے تجربہ کیا کہ زیبرا جیسی سفید دھاریوں سے گائے کو پینٹ کرنے پر مکھیوں کا حملہ تقریباً 50 فیصد کم ہو گیا۔
تحقیق کے مطابق کاٹنے والی مکھیاں مویشیوں کے لیے نہ صرف نقصان دہ ہیں بلکہ ان کی خوراک اور چرنے کی عادات کو متاثر کر کے وزن بڑھنے اور دودھ کی پیداوار میں کمی کا باعث بنتی ہیں، عام طور پر کسان مویشیوں پر کیڑہ مار دوائیں استعمال کرتے ہیں، تاہم اس سے مکھیوں میں مزاحمت اور آلودگی کے مسائل بڑھتے ہیں۔
