چین کے سفیر فو کانگ نے کہا ہے کہ اسرائیل کی جانب سے ایران کی خودمختاری، سلامتی اور علاقائی سالمیت کی خلاف ورزی کی مذمت کرتے ہیں۔
چین کے سفیرنے اقوام متحدہ کی سلامتی کونسل میں خطاب میں ایران پر اسرائیلی حملے کی مذمت کی اور کہا کہ خطے میں کشیدگی بڑھانا کسی کے مفاد میں نہیں ہے، اسرائیل کو حملے روکنے چاہئیں، ایران کی جوہری تنصیبات کو بھی نقصان پہنچا ہے۔
انہوں نے کہا کہ حملوں کے سنگین نتائج ہیں، خطے میں تناؤ میں اضافہ کسی کے مفاد میں نہیں ہوگا، اسرائیل حملے بند کرکے تمام فریقین بین الاقوامی قانون کی پاسداری کریں، سلامتی کونسل کو کردار ادا کرنا ہوگا۔
فوکانگ نے کہا کہ ایران کے پُرامن جوہری ٹیکنالوجی کے استعمال کے حق کا احترام کیا جانا چاہیے اور جو ممالک اسرائیل پر اثر و رسوخ رکھتے ہیں، انہیں تعمیری کردار ادا کرنا چاہیے۔
