وزیراعظم شہباز شریف نے چیئرمین سینیٹ اور اسپیکر قومی اسمبلی کی تنخواہوں میں اضافے کا نوٹس لے لیا۔
ذرائع کا کہنا ہے کہ وزیراعظم شہباز شریف نے اس حوالے سے اسپیکر اور چیئرمین سینیٹ سے رپورٹ طلب کر لی ہے ، وزیراعظم رپورٹ کی روشنی میں تنخواہیں بڑھانے کا فیصلہ کریں گے۔
واضح رہے کہ وفاقی بجٹ میں سرکاری ملازمین کی تنخواہوں میں 10 فیصد اور پنشن میں 7 فیصد اضافہ کیا گیا ہے جس کے بعد اسپیکر اور چیئرمین سینیٹ کی بھاری بھر کم تنخواہوں میں اضافے پر شدید تنقید کی جا رہی ہے۔
وزیر دفاع خواجہ آصف نے سوشل میڈیا پر جاری بیان میں تنخواہوں میں بھاری اضافے کو مالی فحاشی قرار دیا ہے۔
