جعفر ایکسپریس پر حملے کے بعد کوئٹہ سے اندرون ملک اور چمن کے لیے ٹرین سروس آج تیسرے روز بھی معطل ہے۔
ریلوے حکام کے مطابق جعفر ایکسپریس، بولان میل اور چمن پیسنجر ٹرین آج روانہ نہیں ہوئی ہے۔ ریلوے حکام کا کہنا ہے کہ سکیورٹی وجوہات کی بناء پر ٹرین سروس معطل کی ہے۔
واضح رہے تین دن قبل کوئٹہ میں جعفر ایکسپریس کو دہشتگردوں نے نشانہ بنایا تھا ، سکیورٹی فورسز کے کلیئرنس آپریشن میں 30 دہشتگرد ہلاک ہوئے تھے جبکہ ایف سی کے چار جوان اور کئی شہری بھی شہید ہوئے تھے۔
ٹرین پر حملے بعد پاکستان ریلوے نے ٹرین سروس 3 روز کے لیے معطل کرنے کا اعلان کیا تھا۔
