پشاور: پاکستان تحریک انصاف (پی ٹی آئی) پشاور کے رہنماؤں نے صوبائی حکومت کے خلاف احتجاج کا اعلان کر دیا۔
پی ٹی آئی پشاور کے رہنماؤں نے ہونے والے اجلاس کا اعلامیہ جاری کر دیا گیا۔ پشاور کے رہنماؤں نے صوبائی حکومت کی کارکردگی پر عدم اطمینان کا اظہار کیا۔ اور شہر کے مسائل حل نہ ہونے پر صوبائی حکومت کے خلاف احتجاج کا اعلان کر دیا۔
پی ٹی آئی پشاور کے رہنماؤں نے کہا کہ شہر میں صفائی اور سیوریج کی صورتحال ناقص ہے اور ادارے کام نہیں کر رہے۔ صوبائی دارلخلافہ ہونے کے باوجود شہر میں پینے کے لیے صاف پانی دستیاب نہیں۔
انہوں نے کہا کہ خیبر روڈ اور جی ٹی روڈ کے علاوہ تمام سڑکوں پر اسٹریٹ لائٹس ناکافی ہیں۔ جبکہ رنگ روڈ مسنگ لنک پر کام پی ٹی آئی کے گزشتہ 2 ادوار سے التوا کا شکار ہے۔ ٹیکس کی وجہ سے پشاور میں رئیل اسٹیٹ کا کاروبار بھی ختم ہو گیا ہے۔
