خیبرپختونخوا وزیرستان بلاک میں تیل و گیس کے نئے ذخائر دریافت کر لئے گئے۔
تیل و گیس کی وزیرستان بلاک میں نئی دریافت ماڑی انرجیز کی جانب سے کی گئی، ماڑی انرجیز کے مطابق سپنوام ون کنویں سے یومیہ 12.96 ملین کیوبک فٹ گیس دریافت کی گئی جبکہ 20 بیرل خام تیل بھی دریافت ہوا ہے۔
اس کنویں پر کھدائی کا آغاز 28 مئی 2024ء کو کیا گیا تھا، وزیرستان بلاک میں ماڑی انرجیز آپریٹر کمپنی کے طور پر کام کر رہی ہے، وزیرستان بلاک میں بطور آپریٹر کمپنی 55 فیصد شیئرز ہولڈر ہے۔
ماڑی انرجیز کے ساتھ جوائنٹ ایڈونچر میں او جی ڈی سی ایل اور او پی آئی بھی شامل ہیں، ماڑی انرجیز کے مطابق نئی دریافت ملک کے ہائیڈرو کاربن وسائل کو بڑھانے میں کردار ادا کرے گی۔
