دوسرے ٹیسٹ میچ میں ویسٹ انڈیز نے پاکستان کو 120 رنز سے شکست دے دی، ٹیسٹ سیریز ایک ایک سے برابر ہو گئی۔
ملتان میں کھیلے جانے والے دوسرے ٹیسٹ میچ میں پاکستان نے تیسرے دن کا کھیل 4 وکٹوں کے نقصان پر 76 رنز سے شروع کیا۔
پاکستان کو آغاز میں ہی نقصان اٹھانا پڑ گیا، پاکستان کی پانچویں وکٹ 76رنز پر گرگئی، سعو شکیل 13 رن بنا کر آؤٹ ہوئے۔
76 کے ہی اسکور پر پاکستان کی چھٹی وکٹ کاشف علی کی گری انہوں نے ایک رن بنایا۔
پاکستان کی ساتویں وکٹ 115 کے مجموعی اسکور پر گری، سلمان آغا 15 رنز بنا کر ایل بی ڈبلیو آئوٹ ہوئے، پاکستان کا اسکور 122 رنز ہوا تو محمد رضوان بھی 25 رنز پر ہمت ہار بیٹھے۔
پاکستان کی 9 ویں وکٹ 131 رنز پر گری، نعمان علی چھ رنز بنا کر آئوٹ ہوئے، پاکستان کی آخری وکٹ 133 رنز پر گری، ساجد خان آئوٹ ہوئے، اس طرح ویسٹ انڈیز نے پاکستان کو 120 رنز سے شکست دے دی۔
پہلا ٹیسٹ میچ پاکستان نے جیتا تھا جبکہ دوسرا ٹیسٹ ویسٹ انڈیز نے جیت کر ٹیسٹ سیریز ایک ایک سے برابر کر دی۔
