چیئرپرسن بینظیر انکم سپورٹ پروگرام سینیٹر روبینہ خالد نے مستحق خواتین کیلئے بینظیر کفالت پروگرام کی سہ ماہی قسط کی رقم بڑھانے کا اعلان کیا ہے۔
ایک ویڈیو بیان میں روبینہ خالد نے کہا کہ جنوری 2025 سے بینظیر کفالت سہ ماہی قسط کی رقم کو 10500 سے بڑھا کر 13500 روپے کر دیا گیا ہے۔
روبینہ خالد نے مزید کہا کہ 2025 کا سال ہم بینظیر ہنرمند پروگرام کیلئے وقف کر رہے ہیں ، بینظیر ہنرمند پروگرام کے ذریعے مستحق افراد خود اپنا روزگار کمانے کے قابل ہو سکیں گے۔
پیپلز پارٹی کی رہنما کا مزید کہنا تھا کہ ایمانداری کیساتھ پسماندہ طبقات کی خدمت کا کام جاری رکھیں گے۔
