ڈسٹرکٹ اینڈ سیشن کورٹ اسلام آباد نے 4 مقدمات میں بانی پی ٹی آئی کی اہلیہ بشریٰ بی بی کی عبوری ضمانت 13 جنوری تک منظور کر لی۔
ڈیوٹی جج شبیر بھٹی نے تحریک انصاف کے 26 نومبر کے احتجاج پر بشریٰ بی بی کے خلاف درج مقدمات پرعبوری ضمانت کی درخواستوں پر سماعت کی۔ بشریٰ بی بی اپنے وکلاء کے ہمراہ کمرہ عدالت میں پیش ہوئیں۔
عدالت نے سابق خاتون اول کی ضمانت 13 جنوری تک منظور کر لی اور 50، 50 ہزار روپے کے مچلکے جمع کرانے کا حکم دیا۔
واضح رہے بشریٰ بی بی کے خلاف تھانہ ترنول میں ایک اور 3 مقدمات تھانہ رمنا میں درج ہیں۔
