سابق صدر ڈاکٹر عارف علوی نے کہا ہے کہ تحریکِ انصاف میں کسی قسم کے اختلافات نہیں ہیں ، مذاکرات ان سے ہی کامیاب ہوں گے جو ملک کے فیصلے کر رہے ہیں۔
پشاور میں میڈیا سے گفتگو کرتے ہوئے عارف علوی کا کہنا تھا کہ تحریک انصاف کی حکومت کے خلاف عدم اعتماد لانے میں کس کا کردار تھا سب جانتے ہیں۔
پی ٹی آئی کے رہنما نے مزید کہا کہ بانی پی ٹی آئی کی رہائی سے متعلق پارٹی چیئرمین کو مشورہ دوں گا۔
واضح رہے گزشتہ روز وزیرِ اعظم شہباز شریف نے اسپیکر قومی اسمبلی کی تجویز پر حکومتی اتحاد کے ممبران پر مشتمل مذاکراتی کمیٹی تشکیل دی تھی ، اسپیکر نے حکومتی اور پی ٹی آئی کمیٹی کو آج ملاقات کیلئے بلایا ہے۔
