چین کے ہیکرز نے بڑی تعداد میں امریکی شہریوں کا میٹا ڈیٹا چوری کر لیا۔
غیر ملکی خبر رساں ایجنسی کے مطابق اعلیٰ امریکی عہدیدار نے شہریوں کے میٹا ڈیٹا چوری ہونے کا الزام چینی کمپنی پر عائد کر دیا۔ انہوں نے کہا کہ چینی ہیکنگ گروپ کی سائبر جاسوسی مہم میں امریکیوں کا میٹا ڈیٹا چوری ہوا۔
وائٹ ہاؤس نے کہا کہ چینی ہیکنگ گروپ سے نمٹنا حکومت کی اولین ترجیح ہے۔
واضح رہے کہ رواں سال مارچ میں بھی امریکی محکمہ انصاف اور فیڈرل بیورو آف انویسٹیگیشن (ایف بی آئی) کی جانب سے خبر سامنے آئی تھی کہ چین نے لاکھوں امریکی شہریوں کو آن لائن ہیکنگ کا نشانہ بنایا ہے۔
آن لائن ہیکنگ کی وجہ سے 7 چینی شہریوں پر مقدمات بھی قائم کیے گئے تھے۔ کیونکہ ان افراد پر الزام تھا کہ وہ امریکی حکام اور شہریوں کے خلاف ہیکنگ کی ایک ایسی مہم کا حصہ رہے جو 14 برس جاری رہی۔
