ملتان: پاکستان اور انگلینڈ کے درمیان دوسرا ٹیسٹ میچ جاری ہے۔ قومی ٹیم ایک بار پھر اننگز کے آغاز پر ہی مشکلات کا شکار ہے۔
دوسرے ٹیسٹ میچ میں پاکستان نے انگلینڈ کے خلاف ٹاس جیت کر بیٹنگ کرنے کا فیصلہ کیا۔ پاکستانی بیٹر عبداللہ شفیق 15 رنز کے مجموعی اسکور پر بولڈ ہو گئے۔ انہوں نے صرف 7 رنز بنائے۔
عبداللہ شفیق کے بعد آنے والے کھلاڑی کپتان شان مسعود زیادہ دیر پچ پر کھڑے نہ ہو سکے اور 19 کے مجموعی اسکور پر پویلین لوٹ گئے۔ وہ جیک لیچ کی گیند پر کیچ آؤٹ ہوئے۔ شان مسعود صرف تین رنز کا اضافہ کر سکے۔
ٹاس جیتنے کے بعد قومی کرکٹ ٹیم کے کپتان شان مسعود نے گفتگو کرتے ہوئے کہا کہ پاکستان کے لیے کھیلنا اعزاز ہے۔ سب کھلاڑی بہت پرجوش ہیں اور ہمارے پاس اچھے اسپنرز ہیں۔
