پاکستان کرکٹ بورڈ نے شائقین کرکٹ کے لیے بڑا اعلان کر دیا، اب شائقین پاکستان اور بنگلہ دیش کے مابین راولپنڈی میں جاری پہلا ٹیسٹ میچ اسٹیڈیم میں ٹکٹ کے بغیر دیکھ سکیں گے۔
پاکستان کرکٹ بورڈ نے یہ فیصلہ شائقین کرکٹ کی کھیل میں دلچسپی بڑھانے کے لیے کیا ہے تاکہ وہ بغیر ٹکٹ کے کھیل سے لطف اندوز ہوں۔
پاکستانی شائقین کے لیے ہفتہ اور اتوار کو راولپنڈی اسٹیڈیم کے شعیب اختر، سہیل تنویر، میران بخش، یاسرعرفات، جاوید میانداد انکلوژرز میں داخلہ مفت ہو گا۔
جاوید میانداد اور وی آئی پیز اینکلوژرز فیملیز کے لیے مختص کر دیا گیا ہے ، ٹیسٹ میچ کیلئے آخری 2 روز کے ٹکٹ خریدنے والوں کو ٹکٹ ری فنڈ کیا جائے گا۔
