کراچی میں سندھ ہائیکورٹ کی عمارت میں واقع نیو بار روم کی کینٹین میں دھماکا ہوا ہے جس میں کوئی جانی نقصان نہیں ہوا ہے۔
ذرائع کے مطابق کینٹین میں گیس لیکیج کے باعث دھامکہ ہوا جس سے نیو بار روم اور کینٹین کی کھڑکیوں کے شیشے ٹوٹ گئے۔ دھماکے کے بعد سندھ ہائیکورٹ کی سیکیورٹی ٹیم نے بم ڈسپوزل اسکواڈ کو طلب کرلیا۔
ذرائع کا کہنا ہے کہ دھماکے سے سندھ ہائیکورٹ بار روم کی دیواروں کو بھی نقصان پہنچا ہے۔
سیکیورٹی ذرائع کے مطابق دھماکے کے نتیجے میں کسی جانی نقصان کی اطلاع نہیں ہے۔
