ویزا سیکشن کھلا ہے، پاکستانی ورک ویزے پر جا رہے ہیں، یو اے ای کے قونصل جنرل نے تمام افواہوں کا خاتمہ کر دیا۔
متحدہ عرب امارات کے قونصل جنرل بخیت عتیق الرومیتی نے پاکستانیوں کے لیے ویزا بند ہونے کی خبروں کو جھوٹا پروپیگنڈا قرار دیا۔
انہوں نے یو اے ای کی جانب سے پاکستانیوں کیلئے ویزا بند ہونے کی خبریں سوشل میڈیا پر وائرل ہونے کے خبرکی تردید کردی، قونصل جنرل نے قونصلیٹ ویزاسیکشن کی وڈیو جاری کردی۔
بخیت عتیق الرومیتی کے مطابق پاکستانیوں کیلے یو اے ای کا ویزا بند نہیں کیا گیا، قونصلیٹ میں پاکستانیوں کے لیے ویزا سیکشن کھلا ہوا ہے۔
پاکستانی ورک ویزے پرمتحدہ عرب امارات جا رہے ہیں، متحدہ عرب امارات جانے کے لئے عمر کی کوئی قید نہیں ہے۔
