پاکستانی شوبز انڈسٹری کی معروف میزبان و اداکارہ ندا یاسر حج کی ادائیگی کے لئے سعودی عرب پہنچ گئیں۔
ندایاسر نے جانے سے قبل اپنے آفیشل انسٹاگرام ہینڈل پر اپنی چند تصاویر پوسٹ کیں جن میں انہیں حجاب اور عبایہ میں ملبوس دیکھا جا سکتا ہے۔
انہوں نے اپنی پوسٹ میں مداحوں سے مخاطب ہوتے ہوئے کہا کہ میں حج کے لیے روانہ ہورہی ہوں، مجھے اپنی دعاؤں میں لازمی یاد رکھیے گا۔
اداکارہ و میزبان نے اپنے دوست احباب اور چاہنے والوں سے مزید کہا کہ اس مبارک موقع پر، میرا پچھلا کہا سنا معاف کیجیے گا۔
شوبز شخصیات اور مداحوں کی جانب سے ندا یاسر کو حج کی ادائیگی کے لیے پیشگی مبارکبادیں دی جارہی ہیں۔
یاد رہے کہ ندا یاسر اپنی زندگی میں پہلی بار حج کریں گی، وہ اس سے قبل عمرے کی سعادت حاصل کرچکی ہیں۔
