اسکول ایجوکیشن ڈیپارٹمنٹ کی جانب سے احسن اقدام اٹھاتے ہوئے لاہور میں 3 اسکولوں کو ارلی مارننگ اسکول کا درجہ دے دیا گیا۔
گورنمنٹ ہائی اسکول ملتان روڈ، گورنمنٹ بوائز ہائی اسکول اصلاح معاشرہ شادباغ میں ا رلی مارننگ کلاس ہوگی، اس کے ساتھ گورنمنٹ بوائز ہائی اسکول ایمپریس روڈ میں بھی ا رلی مارننگ کلاس لگائی جائے گی۔
بچے کلاسز لینے کے بعد فیکٹری یا ورکشاپ میں کام پر جاسکیں گے، ارلی مارننگ اسکول صبح ساڑھے 7بجے لگا کریں گے، ارلی مارننگ اسکو ل میں چھٹی ساڑھے 10بجے ہوگی۔
بچوں کو پڑھانے والے اساتذہ کو 18ہزار روپے ماہانہ دیا جائے گا۔ بچوں کو کتابیں،یونیفارم اور اسٹیشنری اسکول ایجوکیشن فراہم کرے گا۔
