سابق وفاقی فواد چوہدری نے کہا ہے کہ شہباز شریف کے پاس کچھ بھی نہیں ،ن لیگ کی قیادت نواز شریف کے پاس ہے، ان سے مذاکرات بہتر ہو سکتے ہیں۔
اسلام آباد میں میڈیا سے گفتگو کرتے ہوئے انہوں نے کہا کہ ، نواز شریف ملک میں سیاسی ماحول کو بہتر بنانے کے لیے کردار ادا کر سکتے ہیں۔
انہوں نے کہا کہ تحریک انصاف بڑی پارٹی ہے، اختلاف ہو سکتے ہیں، چھوٹی سی بات ہو جائے تو پی ٹی آئی کے اندر شور مچ جاتا ہے۔
صحافی کے اس سوال پر کہ آپ کب پی ٹی آئی میں واپس آ رہے ہیں؟ فواد چوہدری نے جواب دیا کہ میں نے پی ٹی آئی چھوڑی کب تھی ؟۔
سابق وزیر نے مزید کہا کہ بانی پی ٹی آئی لڑائی ہار گئے تو ملک لڑائی ہار جائے گا، عوام کو قانون کی بالادستی کے لیے بانی پی ٹی آئی کے ساتھ کھڑا ہونا پڑے گا۔
