خیبر پختونخوا میں سکیورٹی فورسز کی عزم استحکام ویژن کے تحت فتنہ الخوارج کیخلاف مؤثر کارروائیاں جاری ہیں۔
سکیورٹی ذرائع کا کہنا ہے کہ سکیورٹی فورسز نے شمالی وزیرستان میں خفیہ اطلاعات پر کارروائی کرکے 5 دہشتگردوں کو ہلاک کر دیا۔
سکیورٹی ذرائع کے مطابق فورسز نے فتنہ الخوارج کی نقل و حرکت کی مسلسل نگرانی کرکے کارروائی کی۔ شمالی وزیرستان اور گردونواح میں فتنہ الخوارج کے ٹھکانوں کو نشانہ بنایا گیا، کارروائی کے دوران 2 دہشتگرد زخمی بھی ہو گئے۔
سکیورٹی ذرائع کا کہنا ہے کہ دہشتگردی کے مکمل خاتمے اور پائیدار امن کے قیام کیلئے پرعزم ہیں، دہشتگردوں کیخلاف کارروائیاں جاری رہیں گی۔
